पाटण, जि. सातारा | दिनांक: ०७ जून २०२५
पाटण तालुक्यातील म्हारवंड निवकाणे गावचे सुपुत्र डॉ. अभिजीत सुरेश निकम यांनी “सातारा जिल्हा सहकारी बँकेतील कृषी वित्त व्यवस्थापन” या विषयावर संशोधन करून आपली पीएच.डी. पदवी पूर्ण केली आहे. त्यांच्या या संशोधनामुळे सहकारी बँकिंग क्षेत्रातील संशोधन आणि विकासाला महत्त्वपूर्ण दिशा मिळालेली आहे.
त्यांच्या या उल्लेखनीय कार्याबद्दल डॉ. अभिजीत सुरेश निकम यांना पाटण तालुक्यात विशेष सन्मानित करण्यात आले. सातारा जिल्हा सहकारी बँकेचे अध्यक्ष श्री. सत्यजीत दादा पाटणकर, ज्येष्ठ राजकारणी विक्रमसिंह दादा पाटणकर यांचे सुपुत्र, यांच्याहस्ते डॉ. निकम यांना पुरस्कार प्रदान केला. त्यांनी डॉ. निकम यांना आगामी संशोधन कार्यासाठी यश, प्रगती आणि समृद्धीच्या शुभेच्छा दिल्या.
डॉ. अभिजीत सुरेश निकम यांचे हे यश केवळ त्यांचे वैयक्तिक यश नसून, ग्रामीण भागातील विद्यार्थ्यांसाठी एक प्रेरणादायी उदाहरण आहे. सहकारी बँकिंग क्षेत्रातील शास्त्रशुद्ध अभ्यासाची आवश्यकता ओळखून त्यांचे योगदान निश्चितच एक आदर्श ठरते.
